❓水晶點樣淨化❓
#moonhalf小分享
其實呢個問題都好多人問過，今日就整理一下🤣 #想睇更多記得like加share🧡
先講一講結論，對於淨化同埋叉電嘅方法眾說紛紜，呢篇文係結合左書本上同埋網絡上既講法，加埋大家既分享，以及我哋個人經驗而得出來既。建議大家試下多嘗試，睇下邊個方法同埋配搭最適合自己同啲水晶🤣歡迎喺comment我哋交流吓你嘅做法🤓
呢到講一講淨化同埋差電既分別
主流有兩個講法
1️⃣淨化叉電其實係同一樣嘢
2️⃣淨化同叉電係唔同既
我哋比較傾向第2️⃣種睇法，覺得淨化係整乾淨佢，叉電就補充能量能量咁
一般戴左手既鏈，例如摩根石、拉長石、月亮石等等，就日日叉電（用紫晶簇），然後一兩個星期淨化一次
戴右手既話，例如一啲黑色晶石（黑曜石、黑銀線等等）就日日做淨化
以下就分享下唔同淨化既方法🧡
👉🏻放 #白晶簇
呢個方法比較簡單，只需要用完放落去就可以，唔會有味，都適用於各種水晶，可以番到去直接放一晚就得
要留意既係，晶簇本身都要做淨化，不過唔洗成日做，一般幾個月做一次就可以，因為佢都有幾會會吸到一啲唔需要既能量
👉🏻放 #石膏塔 ($188)
同白晶簇一樣都好方便，佢既硬度（2）比絕大部分既晶石軟，唔會好易刮花啲鏈
而且佢喺有光既情況下（室內光/自然光），可以自己做到淨化，比白晶簇方便🤣
能量上佢都係比較溫和既，店主都係番到屋企就會放上去～
👉🏻放 #魚眼石 ($68 up)
又係就咁放上去😂好方便，會令晶體清好多，同埋速度比較快，能量上比較強，都有叉電既作用
有養月亮石既話魚眼石可以令晶體清啲，光都會強啲，親測係明顯見到晶體清左😍都有好多客人話啲光強左🤣
而佢都係要每隔幾個月做一次淨化～
👉🏻煙燻法 (鼠尾草+淨化Set $65)
通常用 #鼠尾草 #秘魯聖木
鼠尾草既去負能力一流，如果條鏈吸收左好多唔需要既能量，令佢好渾濁，可以燒一燒鼠尾草
如果唔太多鏈，又有時間，可以拎住喺手來熏，觀察下佢地嘅變化🤣
佢既好處係比較快，但就有味，而且一啲淺色既石有機會會熏黑
詳細點用就睇番highlight🧡
👉🏻用 #頌缽
如果拎頌缽做淨化，可以選擇就咁放入去（唔需要敲），需要既時間會長啲，放一晚到都可以
而另一個放啲既方法就係放啲鏈喺枱面，再敲頌缽，千萬唔好將啲晶石放落去再敲，因為個震動有機會會影響，甚至整壞啲石
呢個方法既好處係快速，而且無味，但頌缽始終比較大個，要考慮放置問題
除左拎來淨化，頌缽仲有好多玩法，有機會同大家再分享🧡
👉🏻水流法
就咁用水沖幾分鐘，水喉水/山泉水都可以，要留意啲水乾唔乾淨，最好唔好用蒸餾水
因為啲水晶線會掂水會易發霉，大家可以改左透明線先用呢個方法
另外一啲結構脆弱或者金屬元素豐富既礦石都唔適用呢個方法，例如紅紋石、黃鐵礦、青金石等等
👉🏻日光/月光法
簡單來講，就係曬下佢☀️🌙
一般無色既石，例如白水晶/黑曜石之類都可以用日光淨化法
但一啲有色既晶石，例如粉晶/紫晶就唔好啦，係有機會會令佢地變淺色
另外都會有人用白碎石做淨化，我試過就覺得係有用，但效用唔大
最後，都要同大家講番，最緊要要自己試下邊個方法適合自己同啲晶石
🌕🌖🌗🌘🌑🌒🌓🌔🌕
#多謝大家睇到呢到🙏🏻 #又係打左超過耐😂
資料來源：
《能量水晶療癒全書》、大家既feedback同埋個人經驗
店主買既新書都到左，遲啲俾番份book report 俾大家😂😂
