今次會分享下唔同愛情石喺能量上嘅分別🤣
想睇更多能量分享記得like~夠250 likes再出😛
因為打一篇有內容既文章真係好花心力，要大家鼓勵先出到（又呃大家啲心心😏）
頭盔：水晶功效因人而異，同埋只係輔助，以下資訊只供參考
大家有任何想法都可以comment同我地分享下～
#馬粉 （左五）
👉🏻粉晶一路都俾人話佢爛桃花，但其實我覺得唔係🙈
佢既能量係比較開朗，令人容易打開心扉，同埋會增加個人魅力
會令人既人緣好左，識人多左，機會都多啲
當大家分辨唔到邊啲先係好嘅姻緣，就會容易出事
如果好中意粉晶，但怕爛桃花，可以同紫晶/海藍寶一齊戴
另外，番工戴粉晶係真係會順利啲既，尤其係一啲對人嘅工種
因為身邊嘅人都會同你分享多左，信任多左親近啲，少啲磨擦（對客/同事都會🤣）
#草莓晶 （左四）
👉🏻佢都係進取同有目標既，不過就無紅紋咁進取～
同埋都唔太燥底，而且有種好包容既感覺
如果成日對自己或人地有好多judgement，都可以戴草莓晶
會更加有同理心，個人溫柔啲，理解到多啲其他人既難處，人緣自然會好
搵正緣戴佢都幾好，會令對方容易啲感受到你既愛意～
#摩根石 （左六）
👉🏻佢除左令人人緣好，增強魅力同自信之外
仲可以帶來智慧同埋清晰既思緒
我覺得係特別適合番工戴既～
因為摩根石手鏈個啲藍色都係海藍寶來
（詳細可以睇番youtube介紹摩根石個集）
咁一條摩根石手鏈就會有埋海藍寶既功效，即是溝通方面都可以加強到
#紅紋石 （左七，冰種紅紋賣哂～上圖為豬肉紅紋）
👉🏻係好aggressive 既愛情石來，能量比較強同埋具針對性
好多feedback都係話佢搵正桃花，佢係目標明確既石來～
佢會幫助人面對負面情緒，如果一時之間又未咁快排解到，啲情緒就會爆發哂出來
店主作為燥底人士，戴左佢真係幾燥😂
我戴馬粉/摩根之類係無事既
咁其實可以同月亮石一齊戴，月亮石能量柔和啲～
#紅超七 （左三，呢條私伙野來，非賣品～）
👉🏻都係比較進取既晶石，我感覺同紅紋有啲似，都係能量比較強
Feedback都係話佢搵正桃花，同埋似紅紋會燥
不過我自己反而就係戴紅S7唔會燥
而紅超七都好招財，對事業上既人緣都好有用～
#月亮石 （左二）
👉🏻月亮石既能量比量細緻同深入
可以令人面對自己既內在聲音
比較溫柔有愛既晶石來，對想追求一段穩定關係十分有用（不過無紅紋咁主動）
都可以增加魅力，展現內在美
同埋對於去負都好有用～成個人係會平和啲既
我覺得拍左拖戴真係好好，個心都會打開啲，段關係都會有更多信任
#拉長石 （左一）
👉🏻終於到我的最愛～
拉長就係搵soulmate既愛情石，同月亮石一樣都係比較溫和既
佢代表成長同轉機，拍緊拖都可以令感情升溫，可以同對方一齊成長，段關係更加成熟
另外都喺呢到講下復合
其實好多人都會一分手就好想一齊番，但其實有啲關係真係緣盡
太執著都未必係好事，放下先可以move on
好多朋友都會問復合戴咩水晶好，我會答拉長石
不過就唔係因為戴完就會一齊番，而係佢會令人有轉變
如果係適合既，要一齊番，就會一齊番
而如果唔係，就會幫你認清事實繼續向前行
人緣石其實仲有好多，例如太陽石、阿魯沙、紫晶等等
遲啲有機會再出個2.0~
資料來源：《能量水晶療癒全書》、《水晶能量療癒萬用書》、大家既feedback同埋個人經歷
